Hunermend Nuarîne bi şertê kontrolê edlîyî serbest ameye veradayîş
Hunermend Nuarîna ke Ewropa de cîwîyayêne û 11 serran ra dima ameye Tirkîyeye, zey ameyîşê xo ameye destbendkerdiş, bi şertê kontrolê edlîyî serbest ameye veradayîş.
Hunermend Nuarîna ke Ewropa de cîwîyayêne û 11 serran ra dima 11ê Tebaxe de ameye Tirkîyeye, Meydanê Teyarayanê Çukurova de ameye destbendkerdiş.
Xebatê hunerî û kulturî yê Nuarîne yê serra 2014î ke sey endama Merkezê Kulturî yê Mezopotamya yê Mersînî kerdê, sey hincet ameyî nîşandayîş û bi îdîaya “endama rexistine bîyayîş”î yew tehqîqat dîya destpêkerdîş. Çarçewaya nê tehqîqatî de vîzêr emnîyet de îfadeyê aye ame girewtîş.
Saetanê serê sibayî de Nuarîn sewqê edlîyeye bîye. Dima ke îfadeyê aye hetê dozgerî ra ame girewtîş, bi şertê kontrolê edlîyî sewqê Mehkemeya Cezaya Sulhî ya 9. bîye. Mehkeme Nuarîn bi şertê kontrolê edlîyî serbest veradaye.
