HPJ: Ma do armanc û cehdanê şehîdanê xo rê wayîr bivejîyê
HPJyî bi munasebetê serrgêra şehadetê Ararat Bawer, Stêra Sîser, Tara Hewram, Arîne Qoser û Tolhildan Nûmanî eşkerayîyêk daye û nîşan kerd ke rêça şehîdan de têkoşîn bikerê: "Heta ke xoserîya Rayber Apoyî bêro temînkerdene, têkoşînê ma do dewam bikero."
Fermandarîya Hêzanê Pawitişê Cinîyan ê Rojhilatê Kurdistanî (HPJ) bi minasebetê serrgêra şehadetê Ararat Bawer, Stêra Sîser, Tara Hewram, Arîne Qoser û Tolhildan Nûmanî eşkerayîyêka nuştekî weşanaye.
Eşkerayî de, ke şexsê Ararat Bawer, Stêra Sîser, Tara Hewram, Arîne Qoser û Tolhildan Nûmanî de pêro şehîdê şoreşî ameyî yadkerdene, ame vatene: "Ma soz danê ke rêça şehîdanê xo de têkoşînê înan dewam bikerê û heta ke xoserîya fizîkî ya Rayber Apoyî bêro temînkerdene, xebatanê xo dewam bikerê. Şehîdê ma garantîya ciwîyayîşêko xoser ê. Înan seba estbîyayîş û xoserîya şarê xo bi fedakarîyêka girde têkoşîn kerd û heta peynî xover da.
Her 5 hevalê ma zî temamê ciwîyayîşê xo de bîyî nimûneyê ciwîyayîşê xoserî. Bi felsefeya 'Jin, Jîyan, Azadî' têkoşînê xo de bîyî pêşeng. Bi şuûr û ruhê cinîye erkê xo ardî ca û heta demê peyênî yê ciwîyayîşê xo seba ciwîyayîşêko xoser têkoşîn kerd."
Eşkerayî ca da nê îfadeyan "Sey HPJyî ma soz danê ke rêça şehîdanê xo de têkoşînê xo gird bikerê. Têkoşînê ma bi felsefeya cinîya xosere, heta ke temamê komelî bireso xoserîye, do dewam bikero", peynî de nê çîyî ameyî îfadekerdene: "Reyna zî ma îfade kenê ke ma do amanc û cehdanê şehîdanê xo rê wayîr bivejîyê, û pêro hevalanê xo yê ke rayîrê xoserîye de şehîd bîyî, bi rêzdarî û hurmet anê vîrî."
