HPG: Vera kesanê ke bi nameyê gerîlayan hetkarî wazenê, hîşyar bê
HPG’yî da pêhesnayene ke demê peyênî de bi nameyê Gerîlayanê Azadîye yê Kurdîstanî şarê welatperwerî û hetanê cîya cîyayan ra hetkarîye yena waştene û veng da ke wa şar vera nê hîşyar bo.
Merkezê Îrtîbatî û Çapemenîye yê HPG’yî eşkerayîya nuştekîye daye û vat: ''Ma eşnawit ke demê peyênî de Tirkîya û Vakurê Kurdîstanî de bi nameyê Gerîlayanê Azadîye yê Kurdîstanî şarê ma yê welatperwerî, merdimanê karî û hetanê cîya cîyayan ra hetkarî yena waştene.''
Eşkerayîye de nê ameyî vatene: ''Xeberê ke xeylê şaristanan ra ameyî hetê ma ra ameyî cigêrayene. Ame tesbîtkerdene ke ca yo ke tede gerîlayê ma est ê ya zî çîn ê, qet kesêkî ra hetkarî nêameya waştene. Coka ça beno wa bibo, kesê ke wina hetkarî wazenê, eleqayê înan bi gerîla û têgêrayîşê ma çîn a. Ame tesbîtkerdene ke na babete de bi zanayîşî grûbê çeteyan yenê şuxulnayene û nê grûbî gureyanê winayinna kenê. Ma veng danê şarê xo yê welatperwerî, dostanê xo û hetanê cîya cîyayan ke çi beno wa bibo wa nê kesan rê îtîbar nêkerê, vera kesanê ke bi nameyê Gerîlayanê Azadîye yê Kurdîstanî hetkarîya madî wazenê, wa hîşyar bê.''
