Hetê Îranî ra hepsîyanê kurdan rê îşkenceyê tewir bi tewirî

Torra Heqanê Merdiman a Kurdîstanî eşkera kerd ke birayî Selam Behramî û Serwer Behramî yê meriwanijî nêzdîyê 2 aşman o Kirmaşan, Hepsxaneyê Dizîlawa de hucreyanê yewkesîyan de yenê tepiştene. Her di birayî 30ê adare 2026î de rayîrê Riwanser-Kirmaşanî ser o hetê hêzanê îstîxbaratî yê Îranî ra bi îtîhamê 'piştîdayîşê partîyanê kurdan' ameyî destbendkerdene.

Ame qeydkerdene ke Sîruş Kerîmî yo kirmaşanij ke 8ê çeleyê 2026î de demê protestoyî de ke beşdar bîye, ame destbendkerdene, ey zî eynî Hepsxaneyê Dizîlawa de hucreyê yewkesî de yeno tepiştene û derheqê ey de îtîhamê 'vera dewlete şer kerdene' est o. Ame vatene ke heqê pêvînayîşê Kerîmî yê keye û avûkatî zî yeno astengkerdene.

Ame eşkerakerdene ke Ebubekîr Yusifî û Yunis Musapur ê hemwelatîyê Serdeştî, şaristanêka Nelasî ra yê, 4 rojan ra ver ameyî destbendkerdene û Hepsxaneyê Urmîye rê erşawitî; badê destbendkerdişî êdî xeberêk înan ra nêame girewtene. Serdar Ustad û Mistefa Îbrahîmî yê mehabadijî zî sereştişê keyeyê înan de ameyî destbendkerdene û cayêko nedîyar rê ameyî berdene. Ame qeydkerdene ke pê heme cehdanê keyeyanê înan zî derheqê aqubetê înan de xeberêk nêameya girewtene.