Hêrişê Rusya yê AVM’yî de hûmara merdeyan bîye 16: Zelenskîy ra mesajê verpersdayîşî
Hêrişanê SÎHA’yanê Rusya yê ke Ukrayna de yew merkezê dan u girewtişî (AVM) kerd hedef de, hûmara kesê ke merdî bîye 16. Serekkomarê Ukrayna Zelenskiyî nê hêrişî sey 'xofin' name kerd û va ê do qetî verpers bidê.
Rusya, vizêr şan herêma Dnipropetrovskî sûka Kriviy Rigî de pê SÎHA’yan hêrişê yew AVM kerd. Hêrişî ra dima adir vejîya. Hêriş de 16 kesî (domanî zî tede) weşîya xo vîndî kerde. 130 birîndaran ra rewşa 29 kesan giran a. Na sûke sey memleketê Zelenskiyî yena zanayene.
Zelenskiyî Telegram de va: “ÎHAY’an di pêlan de da piro. Hêrişo diyîn ke ekîbê hetkarîye kerdî hedef, nêm saete dima ame.” Ey hîşyarîye daye ke Ukrayna do “qetî verpers bido”.
Rusya 24 saetanê peyênan de Zaporijya, Herson, Sumi, Donetsk, Harkiv û Odesa de hêrişî domnayî; 9 kesî merdî, 49 kesî zî birîndar bîyî. Hêzanê Ukrayna zî herêma Samara ya Rusya de rafînerîyêka petrolî û yew merkezê lojîstîkî dayî piro. Wezaretê Pawitişî yê Rusya eşkera kerd ke 450 ra zêdêr ÎHAY’ê Ukrayna ameyî astengkerdene û hêrişan de 2 domanî merdî.
