Heqa Îmamogluyî de qerarê ‘qedexeyê sîyasî’
Dewaya ke tede Serekê ÎBB’yî yo tepişte Ekrem Îmamoglu, seba vatîşanê xo yê vera Serekê Şaredarîya Tuzla yo verên Şadî Yaziciyî ameyêne muhakemekerdene de, qerarê “qedexeyê sîyasî” ame dayene.
Roniştişê qerarî yê dewaya ke Serekê Şaredarîya Şaristanê Girdî yê Stenbolî (ÎBB) yo tepişte Ekrem Îmamoglu rîyê vatîşanê xo yê vera Serekê Şaredarîya Tuzla yo verên Şadî Yaziciyî ra bi îdîaya "heqaretê wezîfedarê gelemperîyî" ameyêne muhakemekerdene, ameye dîyene. Roniştişê dewaya ke Mehkemeya Cezaya Esasîye ya 16. ya Edlîyeya Anatolîye ya Stenbolî de ameye dîyene de, Îmamoglu û avûkatê terefan amade bîyî.
Hêyetê mehkeme ke roniştiş de qerarê xo eşkera kerd, 2 serrî û 1 aşme cezaya zîndanî û “qedexeyê sîyasî” dayî Îmamogluyî.
Îmamogluyo ke salona mehkeme de qerarî rê bertekî mojna ra, nê vatîşî xebitnayî: "Nameyê mi ser o mehkeme de keso ke qerar bido çin bi. Çew hakimo ke tayîn bîyo nêeşkeno qerar bido. Hakimî seba mi hukmê çinîyî de yê."
