Hepsîyo 34 serrî Hacî Aslan veradîya

Hacî Aslano ke Edene de 1992î de ame hepskerdiş, 34 serran ra dima ame veradayene. Aslan, goreyê rêze hepisxaneyanê Nevşehîr, Ceyhan, Sîlîfke û Semsûrî de ame hepskerdiş û peynî de zî hepisxaneyê Tîpê F’yî yê Karabûkî ra ke teqrîben 15 serrî tede ame tepîştene, veradîya.

Bi pêşengîya Komela Hetkarî û Piştîdayîşî ya bi Keyeyanê Tepîşte û Mehkûmanê Marmara (MATUHAYDER) pêşwazîyêk ame kerdene ke tede keyeyê Aslanî û Îdareyê Qezaya Bahçelîevler a Partîya Seypêyî û Demokrasî ya Şaran (DEM Partî) est bîyî.

Çiftê Hacî û Hedîye Aslan 1992î de pîya ameybî tepîştene û pîya ameybî şawitene hepisxaneyê Tîpê F’yî yê Kurkçulerî. Peyê ke serrêk tîya de ameyî hepskerdiş, Hedîye Aslan ame şawitene hepisxaneyê Tîpê F’yî yê Nîgdeyî û Hacî Aslan zî ame erşawitiş Konya. Hedîye Aslan, panc serran ra dima veradîyaye.