Gultane Kişanak Sheffield û London de şarî reyde ameye têhet

Sîyasetmedare Gultane Kişanak  bajaranê Sheffield û Londonî yê Îngîlîstanî  de şarî reyde ameye têhet. Gultane Kişanak badê Sheffieldî London  de kombîyayîşê  şarî de Ravêrê Aştîye û Komelê Demokratîkî erjna. Kişanake îfade kerd ke bi vengdayîşê Rayberê Şarê Kurdî Abdullah Ocalanî yê 27ê Sibate seba qedîyayîşê şerî û înşayê komelê demokratîkî demêko newe ame destpêkerdene.

Kişanake îfade kerd ke ganî ravêr têna sîyasetmedaran û dezgehan rê nêvo verdayene û vat ganî şar bi hewayêkê rêxistinkerdeyî tewrê ravêrî bibo. Kişanake bale ante muhîmîya pawitişê heqanê şarê kurdî, wedartişê astenkerdişanê serê ziwanî û akerdişê verê sîyasetê demokratîkî ser û vat: “Aştîye û demokrasî bi xo nînê. Ronayîşê masayêka aştîye û destpêkerdişê dîyalogî muhîm o. Ma hema sereyê rayîrî de yê.''