Gerîlayê Azadîye yê Kurdîstanî yenê vîrardene

Seba gerîlayanê HPG û YJA Starî ke şehadetê înan ameyî eşkerakerdene xeylê bajranê Kurdîstan û Tirkîya de tezayî ameyî ronayene.

Rezan û Farqînê Amedî de vîrarişê şehîdan roja hîrêyine de dewam kenê. Rezan de warê vîrardişî de postero gird û Rayberê Şarê Kurdî Abdullah Ocalanî û pankartê sey “Em şehîdên azadiyê bi bîr tînin”, “Em bi we serbilind in cangoriyên Kurdistane”, “Şehîd namirin” û  “Kam ke pûsûlayê ci Rayberîye û şehîd ê rotaya ci şaş nêbena’’ ameyî daliqnayene. Vîrardişê Şînxaneyê Mehmet Emîn Karakuşî yê Farqanî zî roja hîrêyine bi zîyaretê girseyî dest pê kerd. Vîrardiş de pankartê sey  “Şehîden me rumeta men e” û “Şehîd namirin” ameyî daliqnayene. 

Dewa Karaz û qezaya Bismilî yê Amedî zî de vîrardişê ke ameyî despêkerdene dewam kenê. vîrameyîşan de mewlîd ame wendene û derheqê şehîdan de sînevîzyon ame seyrkerdene.

Qoserê Mêrdînî de zî seba gerîlayanê HPG/YJA Star Heyeta Veyveyî ya Arya Guneşî ya Taxa Berçeme de vîrardiş ame ame organîzekerdene. Vîrardişo ke roja verêne bi slogana “Şehîd namirin”  dest pêkerd, bi zîyaretan dewam keno. Warê vîrardişî de pankartê sey  “Şehîdên me rûmeta me ne” û “Şehîd candarê nirxên hezar salan”  ameyî daliqnayene.

Sêrt de vîrardiş roja hîrêyine de dewam keno. Vîrardişo ke bi hezaran kesan zîyaret kerd badê wendişê mewlîdî û seyrkerdişê sînevîzyonî şan do biqedîyo.

Merkez û qezayan Hezex, Silopiya, Qileban û Elkê yê Şirnexî de zî vîrarişê seba gerîlayanê  HPG/YJA Starî roja dîyine de dewam kenê. Silopîya de Dayîke Aştîye bi slogananê “Şehîd namirin” û “Bijî Serok Apo” ameyî verwazîkerdene. Qiliban de pankartê “Şehîdên me rûmeta me ne” û “Şehîd ronahîya rêya me ne” ame akerdene. Hezex û merkezê Şirnexî de vîrardişî bi girseyî yenê zîyaretkerdene. Dewa Germavî ya Elkê de tezayîya seba Sozdar Abi (Jinda Faraşîn) roja dîyine de dewam kena. Vîrardiş do badê mewlîdî biqedîyo.

Stenbol de vîrardişo ke seba şehîdanê Têkoşînê Azadîye yê Kurdan ame organîzekerdene bi tewrbîyayîşê xurtî dewam keno.

Edene de vîrardişo ke Şînxaneyê Ova de  û Mêrsîn de vîrardişo ke Şînxaneyê Guneşî de ameyî organîzekerdene roja hîrêyine de dewam kenê. Waranê vîrardişî de postero gird ê Rayberê Şarê Kurdî Abdullah Ocalanî û pankartê sey “Şehîdên me rûmeta me ne”, “Em şehîdên azadiyê bi bîr tînin” û “Şehîd namirin” ameyî daliqnayene. Vîrardişî saetanê şanî de do biqedîyê.