Gerîla TV bi weşanêkê neweyî dest bi xebate kena
Kanala Gerîla TV ya ke bi dîmen, wêne û belgeyan ca û çimeyê gerîlayan ra weşan kena, weşanê xo newe kerd.
Gerîla TVya ke kanala fermîya Hêzanê Pawitişê Şarî (HPG) ya, bi rengêkê neweyî yê keyepelî dest bi weşanê xo yê neweyî kerd. Kanale; çalakîyanê gerîlayanê Azadîya Kurdîstanî, belgefîlman, vîrardişê şehîdan, bernameyanê kulturîyan û zerrekê tarîxî mîyanê koyan ra û waranê têkoşînî ra pêşkêş kena.
Pêro dîmenê ke keyepel de yenê weşanayene, rasterast warê çalakîye de bi kamerayanê gerîlayan ameyê qeydkerdene. Naye ra, zerrek çimeyê xo yê yewînî ra yeno pêşkêşkerdene. Gerîla TV bi arşîvkerdiş û pawitişê qeydanê kehanan û berhemanê dîjîtalan ê neweyan; vîrê gerîlayan, cuyayîşê înan, têkoşîn û peyamanê înan seba neslanê ewro û sibayî pawena. Weşanê kanale tewr verî bi ziwanê kurdkî yo û wextanê hewceyîyan de bi ziwananê bînan zî ameyo amadekerdene.
Kanale, arêdayîşê dîmen û belgeyanê raştan warê bîyayîşan ra, pawitişê vîrê têkoşînî û resnayîşê orjînalî çimeyan ra sey amanca xo ya weşanî belî kena.
