‘Ganî qetilkarê Şehîd Sîpanî bêrê cezakerdene’
Meclîsê Keyeyanê Şehîdan ê Til Temirî ke derheqê şehadetê şervan Sîpan Hiznî de eşkerayîye daye, waşt wa qetilkarê Şehîd Sîpanî goreyê qanûnan bêrê cezakerdene.
Meclîsê Keyeyanê Şehîdan ê Til Temirî derheqê şehadetê şervan Sîpan Hiznî de eşkerayîye daye. Keyeyê şehîdan û endamê dezgehanê komelê sîvîlî û partîyanê sîyasîyan tewrê eşkerayîye bîyî. Çalakîye de qetilkerdişê Sîpan Hiznî ame şermezarkerdene û ame vatene ke ganî teberê qanûnî de nêro têgêrayene.
Eşkerayîye de ame vatene ke Sîpan Hiznî serê wezîfeyê xo de, vera hêrişanê serê herême komel û herra xo pawitene, nê semedî ra ame hedefgirewtene ke no sûc o. Reyna ame vatene ke babete qesasê eşîran nîyo, meseleya verêne ameybî çareserkerdene. Ame waştene ke wa qesasî ra dûrî bêro vindertene û bi rayîrê qanûnî meseleya bêro çareserkerdene.
Meclîsê Keyeyanê Şehîdan dezgehanê asayîş û hukmî ra waşt wa qetilkaranê Sîpan Hiznî tepişê, teslîmê edalet bîkerî û çarçewaya qanûnan de wa bêrê cezakerdene. Reyna seba vergirewtişê provokasyonan zî ame vengdayene.
Derheqê qewimîyayîşanê Kobanî de zî ame vatene ke daîreyê îstîxbaratî bitaybetî zî dewleta tirke berpirsîyar a. Veng dîya şarê herême ke wa destûrê şerê zereyî medo û têkîlîya mabênê eşîranê ereban û komelê kurdan wa bêro pawetene.
Eşkerayîye de ame vatene ganî deskewteyî û fedakarîya şehîdan bêrê pawitene, paştî bidîyo û problemê asayîşî meaçarîye pêkewtişanê komelkî.
