Ewro çapemenîya Dinya de koolîsyonê neweyî vejîya ver

Çapemenîya Dinya de koalîsyonê neweyî, sîyasetê gumrukî yê DYA’yî, Erebîstanê Siûdî de nameyê neweyî û qanûnê efûyî yê Lubnanî vejîyayî vernî. Rojnameyê Financial Timesî vat, îdareyê Trumpî 40 ra zêdêr welatî sûcdar kerdî ke ê alîkarîya Çînî kenê ke bacanê gumrukî yê DYA’yî ra biveşîyê. Qesra Sipîye îdîa kerde ke bi nê hawayî 60 mîlyar dolar bac nêdîyayo.

DYA ra zîyaretê Îsraîlî

Temsîlkarê DYA Jared Kushner seba pêvînayîşanê Xezze hewteyê ameyoxî de do şiro Îsraîl. No zîyaret de Kushner do Qahîre de bi mîyanberanê Misir, Qeter û Tirkîya zî bêro têhet.

Pêşengîya Erebîstanê Siûdî de koalîsyono newe

Tirkîya, 12-13ê Tebaxe de Cidde de beşdarê kombîyayîşê "Koalîsyonê Pawitişê Deryayî yê Zafneteweyî" bîya. Erebîstanê Siûdî, Tirkîya û Pakistan mîyan de peymana pawitişî ameye îmzakerdene. Koalîsyonê Deryayê Sûrî de 13 welatî ca genê.

Erebîstanê Siûdî de wezîfeyî bedilîyayî

Qral Selmanî bi hîrê qerarnameyan kabîneya wezîran newe ra viraşte. Velîaht Prens Muhammed bin Selman bî Serekê Heyetê Wezîran. Serekê Heyetê Rayberîye yê Sazîya Tedarekî û yê Piyasaya Sermayeyî zî ameyî bedilnayene.

Lubnan de efûya pêroyî

Goreyê qanûnê efûyo ke Meclîsê Lubnanî ra vîyarto, hemwelatîyê ke serra 2000î de şîyî Îsraîl eşkenê agêrê. La êyê ke hemwelatîbîyayîşê Îsraîlî girewto, ganî fek na heq ra vera bidê. Nê qanûnî ra kesê eskerî îstîsna yê.

Têkilîyanê Rûsya û Japonya de rageşî

Zîyaretê Serekê Rûsya Putinî yê girawa Kurîlî, Japonya de bî sebebê nerazîbîyayîşî. Serekwezîra Japonya Takaichi vat no zîyaret "nêyêno qebulkerdene". Serekîya Rûsya zî na eşkerayîya Japonya şermezar kerde û sey "bêqebul" name kerde.