DYA de polîsan yew sîyahî kişt
Eyaletê Wisconsinî yê DYA’î de yew sîyahîyo ke çar polîsan seba destbendkerdişî erd de tepiştibi, mesafeyêdo nêzdî ra hîrê rey gule eştî piro û ame kiştene.
Paytextê eyaletê Wisconsinî yê DYA’î, Madison de polîsan yew sîyahîyo 30 serre ke waştêne destbend bikerê, mesafeyêko nêzdî ra hîrê rey gule eştî piro û kişt. Nasnameyê kesê ke ciwîyayê xo kerd vîndî nêame eşkera kerdene. Şahîdê hediseyî Michael Doubekî ke Radyoyê Pêroyî yê Wisconsinî rê qisey kerd û vat ke nêzdî bîyo ke destê kesê destbendkerdeyî kelepçe bikerê û polîsî mesafeyêko nêzdî ra gule eşt sereyê ey.
Bi seyan kesî vejîyayî kuçeyan
Nê hedîseyî ra dima bi seyan kesî vejîyayî kuçeyan û hetê Meclîsê Eyaletê Wisconsinî ser o rayîr şîyî. Dîya zanayene ke çar polîsê ke tewrê hedîseyî bîyî -îznê îdarîyî- dîyayo înan û nê polîsan kameraya bedenî xo de nêgêrayêne. Cipersayîş hetê Yewinîya Cipersayîşê Sûcan ya Wezaretê Edaletî yê Wisconsinî ra yeno rayraberdene.
