Dozgerî 'Daweya Kitaban' de ceza waşte

Wayîrê Weşanxaneyê Aramî Hakkı Boltan û xebatkarê weşanxaneyî Delil Zengeralpî ra, 30ê Teşrîna Peyêne - 8ê Kanûne 2024î de Fuarê Kitaban ê Mezopotamya yê Amedî de kitabê Mahmut Abayî "Dildarê Serkeftinê" û kitabê Hatip Dicleyî "Efrîn Dîrenîş Gunlugu" ameybî destsernayene û arêdayene. Roniştişo 4în ê daweya ke seba nê kitaban ameya akerdene, dîyîya.

Bi îdîyaya "propagandaya rêxistine kerdene" Mehkemeya Cezaya Girane ya 4îne ya Amedî de Boltan û Zengeralp yenê muhakemekerdene. Ê tewrê roniştişî nêbîyî, la avûkatê înan Resul Tamur salone de amade bî. Tewr verî meqamê îdîyayî mutalaaya xo pêşkêş kerde û waşt ke Boltan û Zengeralp bi îdîyaya "rêxistine rê hetkarî kerdene" bêrê cezakerdene. Avûkat Tamurî vera mutalaaye de seba pawitişî wext waşt.

Mehkemeye waştiş qebul kerd û roniştiş taloqê 1ê Kanûne kerd.