Direncan Aykol raywanîya xo ya peyêne rê ame oxirkerdene

Seba lajê çinarê Çapemenîya Azade Huseyîn Aykolî, Mehmet Direncan Aykolo ke penceraya keyeyê xo yê qatê pancinî ra kewt û weşîya xo kerd vîndî, qezaya Fatîhî yê Îstanbulî de Taxa Kocamustafapaşayî de Camîya Sumbul Efendîyî de merasîmê cenaze ame viraştene.

Nimajê cenaze ra dima, cenazaya Aykolî Goristanê Keyeyî yê Çobançeşmeyî yê Yenibosna de dîyaye erdî. Merasîmê cenaze rê keye û merdimanê Aykolî ra pîya xebatkarê Çapemenîya Azade, îdarekarê Rêxistina Şaristanê Stenbolî ya Partîya Têduştî û Demokrasîyî ya Şaran (DEM Partî) û Rêxistina Şaristanê Stenbolî ya Kongreya Demokratîke ya Şaran (HDK) tewr bîyî.

Seba Aykolî Kocamustafapaşa de Komeleya Cuya Newîye (Yeni Yaşam) de do tazîye bêro qebulkerdene.