Deryayo Sûr de qeyran berz bi, DYA dest bi sewqiyatî kerd
Ame vatene ke, Deryayo Sûr de mabênê Husîyan û Erebîstanê Siûdî de berzbîyayîşê qeyranî ra dima, DYA (Dewletê Yewbîyayeyî yê Amerîka) Deryayo Sûr rê dest bi sewqiyatê leşkerî kerd.
Paralelê şerê DYA - Îranî, Deryayo Sûr de zî qeyran beno berz. Erebîstanê Siûdî, paytextê Yemenî Sana de Teyaregeho Mîyanneteweyî yê Sana da piro, nê ra dima îdareyê Husîyan o ke paytext destê xo de tepişeno, gemîyanê Erebîstanê Siûdî rê qerarê ambargoyî girewt.
Serekê DYA Donald Trumpî vatbi ke eke Husîyî Deryayo Sûr de keştîyan bikerê hedef, o do "nayî dir eleqedar bibo."
Dima ke îdareyê Husîyan no qerar girewt, ewro saetanê serê sibayî de 2 keştîyê Erebîstanê Siûdî yê ke waştêne Deryayo Sûr ra derbazê Korfezê Adenî bibê, kerdî hedef. 10 keştîyî zî mecbur mendî ke rotaya xo bivurnê. Husîyan keştîyî kerdî hedef, nê ra dima rageşîye zêde bîye û ser o DYA zî Deryayo Sûr rê qerarê sewqiyatê leşkerî girewt. Goreyê xebera Wall Street Journalî; Trump, Rojhelato Mîyanên de bi erşawitişê yewîyanê îlaweyan, teçhîzat û personelê weşîye, estbîyayîşê xo yê leşkerî keno xurt.
