Derheqê tepişteyê ke 65 kîloyî vînî kerdî de raporê 'eşkeno zîndan de bimano' ame dayene
Derheqê tepişte Necdet Koçî de yo ke rîyê problemanê weşîye ke rîskê ci yê mergî est o, nêeşkeno hewcedarîyanê xo yê bingeyînan bîyaro ca û 65 kîlo vînî kerdî, raporê ''eşkeno zîndan de bimano'' ame hazirkerdene.
Dezgehê Tibê Edlî (ATK) derheqê tepişte Necdet Koçî de yo ke rixmo ke nêweşo giran o, Zîndanê Asayîşê Berzî yê Tîpê F’yî yê Wanî de yeno tepiştene, qerarê ''eşkeno zîndan de bimano'' girewt.
Necdet Koç (52) yo ke 2022 de ame tepiştene û cezaya muebedê giranî dîyaye ci, zaf nêweşîyê ci yê kronîkî est ê, zîndan de 65 kîloyî dayî û hinî nêeşkeno têna hewcedarîyanê xo yê bingeyînan bîyaro ca.
Rixmo ke raporê heyetê weşîye yê Nêweşxaneyê Cigêrayîş û Perwerdeyî yê Wanî de yeno vatene ke rewşa ci giran a û rîskê ci yê mergî est o, gerek nêweşxane de bêro tedawîkerdene, ATK’yî raporê xo de vat ke o eşkeno zîndan de bimano.
Keyeyî Koçî da zanayene ke çend şini rewşê ci xirabe bena, nêeşkeno miqatê xo bibo û waşt wa cade bêro tehlîyekerdene. Keyeyî vat ke rixmo ke raporanê nêweşxaneyî de yeno vatene ke rîskê mergî est o, nîno tehlîyekerdene û vera nê nêrazbîyayîş mojna.
