Derheqê mudirê faîlê tacizî de dawa ameye akerdene
Derheqê M.T.yî de ke qezaya Zêdkanî de yew wendegeh de mudir o, bi sebebê tacizkerdişê mamosteyêka cinî ke eynî wendegeh de xebitîyena, dawa ameye akerdene.
Tehqîqato ke qezaya Zêdkanî (Eleşkirt) ya Agirî de derheqê mudirê wendegehî M.T.yî de, bi sûcê tacizkerdişê mamosteya cinî ke eynî wendegeh de xebitîyena amebi destpêkerdene, qedîya. Îdîanameyo ke hetê Serekdozgerîya Komare ya Zêdkanî ra amade bîyo, dîya Mehkemeya Cezaya Aslîyeya Zêdkanî.
Qeydê dîmen û vengî dosya de yê
Îdîaname de ca dîya nê zanayîşî ke 3ê hezîrana 2025î de cinîye hetê mudirê wendegehî faîl M.T.yî ra taciz bîya. Îdîanameyo ke waştişnameyê gerayî ya cinîye zî tede ya, tutanêka cigêrayîşê dîmenî ya 12ê hezîrana 2025î zî tede ca girewte.
Îdîaname de ame destnîşankerdene ke eylemê faîl M.T.yî tewirê “bi têgêrayîşanê zayendan îhlalkerdina bêdestdayîşîya bedenê yewkesî” de yo û ame waştene ke faîl bi sûcê “hêrişê zayendî yo bi destdergîkerdişî” bêro cezakerdene. Rûniştişo verên ê dawaya ke derheqê faîlî de ameya akerdene, rojanê ameyeyan de Mehkemeya Cezaya Aslîyeya Zêdkanî de do bêro vînayene.
