‘Demê ameyoxî de gamê şênberî yenê eştene’
Endama Heyetê Îmraliyî yê DEM Partî Pervîne Buldan zîyaretê Meclîsê Dayîkanê Aştîye yê Wanî de vat ke demê ameyoxî de derheqê ravêrê aştîye de gamê şênberêrî eşkenê bêrê eştene û bale ante hewceyê têkoşînê hemparî ser o.
Zîyareto ke Rêxistina Wîlayetî ya DEM Partî de ame kerdene, zaf kesî beşdar bîyî û sloganê "Bijî Serok Apo" ameyî vatene. Hemsereka Wîlayetî Gulşene Kurt vat ke pêşengîya têkoşînê haştîye cinî û Dayîkê Aştîye kenê û bedelo tewr giran dayîkan dayo.
Pervîn Buldane vat ke cinî û dayîkî beşê ke şer ra tewr zaf tesîr gênê yê û seba ke dejî reyna nêrê ciwîyayene aştî lazim a: "Aştî asan nîya, zehmet a; la caardişê aye wezîfe û berpirsîyarîya ma pêrune ya. Ma naye ra pey haştîyêka birûmete pawenê ke tede bedelî nêyenê dayene, la heq û huqûqê şarê kurdan yenê naskerdene. Dayîkanê Aştîye ca bîyo zulm dîyo, cop werdo, gaz werdo, la qet aştîye ra fek nêverdayo; vernî de bîyayîşê înan qewet dano ma."
Pervîn Buldane derheqê Ravêrê Aştî û Komelê Demokratîkî de vat: "Rojanê ameyoxan de ma muhtemelen kewenê demêk ke gamê şênber û pratîkî tede yenê eştene; averşîyayîşê muhîmî benê û haştî înan reyde şênberêr bena. La reyna zî hewceyê têkoşînê ma, têkoşînêkê hemparî est o; ma do ney pîya bikerê."
Dayîka Aştîye Hedîye Kaçak zî vat ke vengdayîşê aştîye yê Rayberê Şarê Kurdî Abdullah Ocalanî waştişê Dayîkanê Aştî yo zî û ê do têkoşînê xo dewam bikerê.
