Ciwanan Amed de astengkerdişê pêvînayîşê Abdullah Ocalanî reyde şermezar kerd
Ciwanan Amed de astengkerdişê pêvînayîşê Rayberê Şarê Kurdî Abdullah Ocalanî reyde şermezar kerd. Ciwanan pankartê “Yan Serek Apo do bêro Amed, Yan Serek Apo do bêro Amed” aliqna û fîşekê hewayî teqnayî.
Heyetê Îmralîyî yê DEM Partî 24ê gulane de Rayberê Şarê Kurdî Abdullah Ocalanî reyde pêvînayîşêk kerdbi. A roje ra nat, yanî 51 rojî yo pêvînayîş nêyenê kerdene û rewşêka tecrîdî est a. Meclîsê Ciwanan ê DEM Partî yê Amedî, seba astengkerdişê pêvînayîşê Rayberê Şarê Kurdî Abdullah Ocalanî, pirdê vîyartişî yê rayîrê Rîha ser o posterêko pîl ê Rayberê Şarê Kurdî Abdullah Ocalanî û pankarto ke ser o “Yan Serek Apo do bêro Amed, Yan Serek Apo do bêro Amed” nusîyabi, aliqna. Ciwanan pirdî ser o fîşekê hewayî zî teqnayî û sloganê “Bijî Serok Apo” vat.
