Cenazeya Mevlut Elverî yê HPG’yî 9 serran ra dima dîyaye keyeyê ci
Mevlut Elvero HPG’yî ke Wan de şehîd kewt û 9 serran ra dima cenazeya ey dîyaye keyeyê ci, bi sloganan ameyo defînkerdene.
Cenazeya Mevlut Elverî yê HPG’yî (Azad Tolhildan) o ke Wan de serra 2017î de warê deşte de yew pêkewtiş de şehîd kewt, 9 serran ra pey hetê keyeyê ci ra ameye girewtene. Keyeyî, seba ke cenazeya domanê xo yê ke serra 2018î de qezaya Tuşba de Goristanê Bêkesan ê Seyrantepe de ameyo defînkerdene bigêro, numuneyê DNA’yî da. Rixmê têgirewtişê DNA’yî zî cenazeya Elverî nêdîyaye keyeyê ci.
Keyeyê Elverî o ke 8 serran ra dima reyna muracat kerd, serê têgirewtişê numuneyê dîyayeyî yê DNA’yî şî Goristanê Bêkesan û cenazeya Mevlut Elverî teslîm girewte.
Elver, bi serkêşîya Komeleya Yewîye, Paştdayîş, Hetkarî û Kulturî ya Keyeyan ê ke Dergûşa Şaristanîye de Merdimê Xo Vînî Kerdê (MEBYA-DER) bi yew merasîmo girseyî ame nimitekerdene bi erdî. Elver, bi slogananê "Şehîd namirinî" Goristanê Xaçortî de goristanê keyeyî de ameyo defînkerdene.
