CDK-F: Ma seba ciwînayîşê mîrasê Riza Altun û şehîdan yenê pêser
CDK-F ard ziwan ke bi yadkerdişo ke siba herêma Île-de-Franceyî de yeno viraştene, bi şexsê Riza Altunî vîrê Şehîdanê Azadîya Kurdîstanî yeno ciwînayene û şar dawetê têhetameyîşê hafizaya hempare kerd.
Konseya Kurdan a Demokratîke-Fransa (CDK-F) bi munasebetê serrgêra şehadetê Riza Altunî ke qadroyanê ronayoxan ê PKK’yî ra yew o, venga şarê kurdan, dost û temsîlkaranê dezgehan da ke beşdarê yadkerdişê 25ê Êlule bibê; çalakî de şehîdê ke şehadetê înan demanê peyênan de ame eşkerakerdene zî yenê vîrardene.
CDK-F’yî eşkerayîya xo de vat: "No têhetameyîş seba ciwînayîşê vîrê ê kesanê ke cuya xo têkoşînê azadîya şarê kurdan rê dîyarî kerde, vîrardişê mîrasê têkoşînê înan û ciwînayîşê înan ê hafizaya ma ya kolektîfe yeno viraştene. Têkoşînê azadîye yê şarê kurdan bi bedel û fedakarîyanê girdan resayo nê rojan; ciwînayîşê vîrê şehîdan û resnayîşê hurmetê ma yê neslanê ameyoxan berpirsîyarîya ma pêrune ya. Wezîfeyê ma no yo ke şehîdan tena serrgêran de ney, bi erj, têkoşîn û mîrasê înan ê tarîxî reyde bîyarê vîrî. Ma bi şexsê embaz Rizayî heme şervananê azadîye yê ke şehadetê înan demanê peyênan de ame eşkerakerdene, bi hurmet û minet anê vîrî û şar, dost û temsîlkaranê dezgeh û komelan dawet kenê ke nê têhetameyîşê hafizaya hempare de bêrê pêser û wayîrê vîrê Riza Altun û heme şervananê şehîdan bivejîyê."
Yadkerdiş 25ê Êlule (siba) saete 18.00 de adresa Espace Venise, 30 route de Groslay, 95200 Sarcelles de yeno viraştene.
