Çapemenîya dînya: Koreya Vakurî ra têgêrayîşo leşkerî
Çapemenîya Dinya de ewro dîplomasîya mîyanneteweyîye, têgêrayîşo leşkerî yê Koreya Vakurî û îdîayê xebitnayîşê hîşê viraşte yê şerê Ukrayna-Rûsya vejîyayî vernî. Medyaya mîyanneteweyîye dîplomasîya mabênê welatan nêzdî ra teqîp kena, taloqkerdişê pêvînayîşanê Îsraîl-Lubnanî zî dîqet ant.
The New Regionî da zanayene ke Serekwezîrê Iraqî Alî el-Zeydî bi dawetê Serekkomarê Fransa Emmanuel Macronî do şoro Fransa. Pêvînayîşo ke 14ê Êlule de do bêro kerdene de, hemkarîya averşîyayîşanê herêmkîyan, ekonomîye, asayîş, enerjî û perwerdeyî do bêra ercnayene. Reyna yeno pawitene ke peymanî bêrê îmzakerdene.
Pêvînayîşê Lubnan-Îsraîlî ameyî taloqkerdiş
The Nationalî qeyd kerd ke pêvînayîşê mabênê Lubnan û Îsraîlî ke bînê mîyankarîya DYA de ameyêne plankerdene, ameyî taloqkerdene. Goreyê xeberî, hetê ke do hefteyê bînî Roma de ameyêne têhet, pêvînayîş eşt aşma ekîmî.
Dîplomasîya Îrlanda-DYA’yî
The Guardianî yewna dîplomasîyo muhîm ard rojdem. Serekê DYA Donald Trump, çerçeweya zîyaretê di rojan yê Îrlanda de Serekkomara Îrlanda Catherine Connolly dir do pêvînayîş bikero. Connolly verê cû bi rexneyanê xo yê sîyasetanê Trumpî ameybî rojdem. Reyna yeno pawitene ke Serekwezîrê Îrlanda Micheal Martin dir zî pêvînayîş bêro kerdene.
Koreya Vakurî fuzeya balîstîke eşte
Reutersî ragihna ke Koreya Vakurî fuzeyî eştî. Goreyê ajansê Yonhapî, herêma Wonsanî ra ver bi akerdeyanê qeraxê rojhelatî fuzeyêk ameya eştene. Artêşa Koreya Başûrî eşkera kerd ke nê fuzeyê balîstîk ê menzîlkurt ê û qasê 250 kîlometreyî firr dayo (perrayo). No hedîse dima ra ke tatbîqato leşkerî yê hempar yê DYA, Koreya Bakûrî û Japonyayî qedîya, qewimîya.
Rûsya ra hemleyê hîşê viraşteyî
Xeberêka bîne ya The Guardianî de, goreyê raporê Anthropicî yew ekîbê Rûsya botê hîşê çêkerdeyî yê Claudeî xebitnayo û seba ÎHA'yanê kamîkazeyan ê otonoman teknolojî aver berdo. Rapor de ame destnîşankerdene ke ÎHA'yî bêmudaxeleyê merdiman weçînayîşê hedefan rê ameyê programkerdene û ekîbî Donetsk de yew ca çend rey sey hedef kifş kerdo.
