Çapemenîya Dinya de ewro

Çapemenîya dinya de sernameyê ewroyî; ambargoyê vera Îranî, Fîlîstîn de îtîfaqê weçînayîşî û şerê tîcaretî yê mîyanê DYA û Kanadayî bîyî. Ajansê resmî yê Îranî IRNA vat ke Gurcistan paketa ambargoyî ya newîye ya Yewîya Ewropa ya vera Îranî red kerda. Wekîlê Gurcistanî Tengiz Sharmanashvili vat ke ê qeraranê polîtîkaya teberî goreyê “menfaetanê Gurcistanî” gênê. Paketa ambargoyî de; rojanekerdîşê lîsteya Îranî, dergkerdîşê ambargoyanê vera paştgirîya leşkerî ya Îranî ya seba komanê çekdarî û bi bahaneyê binpaykerdîşê heqanê merdiman, zêdekerdîşê şeş îranijan ca gêno.

Fîlîstîn de vera weçînayîşî gêrayîşê îtîfaqî

The Nationalî, weçînayîşê Fîlîstînî yê ke 20 serrî ra dima do bêrê viraştene ard rojeve. Weçînayîşê peyênî 2006 de bîyî. Seba weçînayîşê teşrîna peyêne Hamas û partîya M. Dahlanî zî tede, xeylê grûbê sîyasî yê Fîlîstînî îtîfaqêk viraşto.

Pentagon de qerqîzyayîş

Wall Street Journalî (WSJ) bale ant qerqîzyayîşê Pentagonî ser. Xeber de ame vatene ke Wezîrê Hêzanê Bejayî Dan Driscoll û Wezîrê Pawitişî Pete Hegseth bi aşman o nêşikînê pêkerê û pawîyeno ke Driscoll serra newîye de wezîfeyê xo ra abirîyo.

Şerê tîcaretî yê DYA-Kanadayî

CNN’î da zanayene ke nîqaşê tîcaretî yê mîyanê DYA û Kanadayî reyna dest pêkerdo. Washingtonî tayê berhemanê Kanada rê %50 gumruk ard. Serekwezîrê Kanada Mark Carneyî zî dîplomasîye vindarnê û vat ê do eynî verpers bidê.

Polîtîkayê multecîyan yê DYA’yî

The Guardianî, peymana DYA ya bi Lîberya arde rojeve. Lîberya do 1200 multecîyan qebûl bikera û grûba verêne ya 20 kesan resaya welatî.

Lîderê Ewroyayî Kîev de yênê pêser

Goreyê Reutersî, lîderê Fransa (Macron), Îngilîstan (Burnham) û Almanya (Merz), Kîev de do serkêşîya kombîyayîşê "Koalîsyonê Watebaran" bikerê. Zelenskiy zî do tewrê kombîyayîşî bibo.