Çalakîya mamosteyan rê hêriş: Tewr tay 40 kesî ameyî destbendkerdene
Enqere de polîsan hêrişê çalakîya mamosteyan kerd ke verê Wezîrîya Malîye û Hazîne de ameye organîzekerdene. Îdarekarê sendîkayan zî tede tewr tay 40 kesî ameyî destbendkerdene.
Mamosteyanê Sendîkaya Sektora Taybete û mamosteyanê mexdûran ê mulakatî seba heqanê xo yê bingeyînan û bi waştişanê xo yê ekonomîkan verê Wezîrîya Malîye û Hazîne yê Dîkmenî de eşkerayîye daye. Grûba ke badê eşkerayîye waşt ver bi Wezîrîya Perwerdeyî ya Mîllî rayra şiro, raştê mudaxaleyê polîsan ameye.
Hêrişê polîsan de mamosteyî ameyî derbkerdene, rojnamegerî ameyî astengkerdene û goreyê zanayîşê ke avûkatan ra ameyî girewtene tewr tay 40 kesî ameyî destbendkedene. Sendîka da zanayene ke mîyanê nê kesan de sereke pêroyî yê sendîka, endamê heyetê rayberdişî, temsîlkarî û xeylê endamê ci est ê.
