Baregehê Sazmanî Xebat û PDK-Î’yî ameyî bombevarankerdene
Bi dronan hêrîşê teyaragehê Hîzba Demokrata Kurdistanê-Îranî yo ke sînorê Koye de yo û Baregehê Sazmanî Xebatî yo ke rayîrê Hewlêr-Mexmûrî ser o yo, ame kerdene.
Goreyê malumatanê ajansê Rojnewsî ke diyê çimeyanê asayîşî ra girewtê, bi dronan hêrîşê Baregehanê Hîzba Demokrata Kurdistanê-Îran û Sazmanî Xebatî ame kerdene. Çimeyan da zanayene ke Baregehê Hîzba Demokrata Kurdistanê-Îranî (PDK-Î) yo ke bajarokê Koye yê girêdayeyê şaristanê Hewlêrî de yo, ame hedefkerdene. Berpirsiyaranê partîye hêrîş piştrast kerd.
Ame vatiş ke heto bîn ra bi dronan hêrîşê baregehê Sazmanî Xebat a Kurdistanê-Îranî yo ke rayêrê Hewlêr-Mexmûrî ser o yo zî ame kerdene û zirar resa çend keyeyanê der-dorî zî.
Derheqê zirarê canî de heta nika qet yew agahîya fermîye nêameya vilakerdene. Hêjayê vatene yo ke goreyê bîlançoyan 28ê Sibate ra heta nika, bi 945 ra zêde dron û mûşekan hêrîşê Herêma Kurdistanî ame kerdene. Netîce de 32 kesan cuyeya xo vîndî kerde û 150 ra zêde kesî zî birîndar bîyî.
