Aydin û Balikesîr de adirî dewam kenê

Adiro ke 30ê Temuze de qezaya Aydinî ya Çine, mevkîyê Taxa Kavşiti yê Koyê Madranî de dest pêkerd bi, roja xo ya 3yine de zî hema dewam keno. Heywanê ke Taxa Kavşit, Mutaflar, Dutluoluk û Tatarmemîşlerî de bîyî û tehlûkeyê adirî de mendî, ameyî tehlîyekerdene û ameyî ardene bi Bazarê Heywananê Ganîyan ê Çine. Wexto ke Taxa Kavşitî de tayê keyeyê zozanî yê ke adir resa bi ci zerar dîyî, semedê adirî ra yew qismê Taxa Mutaflarî û Mahlaya Dutluolukî zî ameyî tehlîyekerdene.

Hetê bînî ra adirê birran o ke vizêr qezaya Balikesîrî ya Susurlukî de dest pêkerd zî dewam keno. Adir, warêko 400 û 450 hektarin de tesîrê xo mojna ra. Adirê birran o ke vizêr ra ver qezaya Balikesîrî Gomeçî de, Taxa Kumgedikî ya dewe de dorê seate 14.00 de vejiya û bi tesîrê vayî vilayê sînoranê Ayvalik û qezaya Îzmîrî ya Bergama resa, o zî ame girewtene binê kontrolî.