Amed: Cinîyî wazenê vera şîdetî wa camêrdî bêrê perwerdekerdene

Şaredarîya Bajarê Pîlî yê Amedî  û şaredarîyê qezayan  vera şîdetê serê cinîyan dewan de xebatanê komelkî rayra benê. Çarçewaya xebatan de ke nizdê di serran o dewam kenê, 22 dewan de atolyeyî ameyî ronayene, cinîyan reyde şîdeto fîzîkî, ekonomîk, psîkolojîk û dîjîtal yeno destgirewtene.

Sosyologe Eylem Kaya îfade kerd ke  dewan de cinîyî şîdetî tewr zaf sey şîdetê fîzîkî pênas kenê û vat tewiranê şîdetanê cîyayan ge ge ferq nêkenê la bi nê atolyeyan cinîyî hinî tecrubeyanê xo cîya erjnenê.

Kaya ard ziwan ke xebatan de problemê sey weşî, perwerde, res û binawanî yenê destgirewtene û vat tay dewan de cinîyî nêeşkenê xizmetê weşî ra feyde bikerê.

Kaya îfade kerd ke cinîyî înan ra çareserî wazenê û vat waştişê cinîyan ser xebatê sey  “Jinmap” û “Xetê Alo Şiddet” î ameyî averberdene.

Kaya vat cinî seba vergirewtişê şîdetî wazenê wa xebatê seba camerdan bêrê zêdînayene, camêrdê ke çimeyê şîdetî yê wa bêrê perwerdekerdene.