Albumê Koma Amara yê "Hevala Min" vejîya
Albumê Koma Amara yê 8 deyîran "Hevala Min" ke Şehîdanê Azadîya Kurdîstanî rê ameyo dîyarîkerdene, resa goşdaran. Albumî de deyîrê ke seba tacîdarkerdişê vîrameyîşanê şehîdan ameyî amadekerdene, est ê.
Albumo ke bi hemparîya Awazgeha Delîla û Jê Muzikî ame amadekerdene, deyîranê "Derwêşo, Sara û Bîşeng", "Vengê Avzem", "Hevala Min", "Çar Heval", "Roniyê Me", "Roj û Zarok" û "Kezî" ra yeno pê.
Endamê TEV-ÇAND’î Xwezan Harunî ke deyîra "Hevala Min" nuşta, vat ke deyîrê albumî esasen seba hevalanê şehîdan ameyî amadekerdene ke şehadetê înan demo peyên de ame eşkerakerdene: "Ma nê hevalan reyde pîya ciwîyayî, cephe de şer kerd; ganî ma vîrê înan gandar verdê."
Harunî vat ke deyîra "Hevala Min" seba heval Şoreşî ameya nuştene ke endamê Koma Amara bî û 2019î de Waranê Pawitişî yê Medya de hêrişê hewayî yê dewleta tirke de şehîd bî: "Ez ê hevalan ra yew bîya ke grûbe de tewr zaf Heval Şoreşî reyde mendo; coka hesretê min ê ey zaf o. Mi vate û muzîkê deyîre yew rey de nuştî, seke Heval Şoreşî deyîre pawitêne."
Album de bê endamanê grûbe Ferîde û Pelşîne deyîrê Mazlum Awazî zî est ê ke seba cinîyanê rayîrê azadîye ameyî nuştene.
Album YouTube ra lînkê https://youtu.be/EPOu0XPEO0I?list=OLAK5uy_kAs_epsbY3Ay33yKQgaMxvqm7_shympjE ra yeno goşdarîkerdene.
