6 aşman de tewr tay 13 kolberî ameyî kiştene
Kolbernewsî da zanayene ke şeş aşmanê vîyarteyan de, mintiqayanê sînorî yê Rojhelatê Kurdîstanî de tewr tay 20 kolber û dikandarê kurdî bîyî qurbanîyê hêrîşanê rejîmê Îranî.
Kolbernewsî derheqê binpaykerdişanê rejîmê Îranî yê vera kolberan de yew rapor weşana.
Rapor de ameyo dîyarkerdene ke şeş aşmanê vîyarteyan de, mintiqayanê sînorî yê Rojhelatê Kurdîstanî de tewr tay 20 kolber û dikandarê kurdî bîyî qurbanî. Ameyo vatene ke nînan ra 18 qewimîyayîşî rîyê hêrîşê raşteraştî yê hêzanê leşkerîyan ê rejîmê Îranî ra ameyî meydan. Peynîye de 13 kolberî ameyî kiştene û 5 kolberî zî giran birîndar bîyî.
Heto bîn ra tewr tay di kolberê bînî zî dima ke qezaya Şemzînanî de hetê hêzanê asayîşî yê Tirkîya ra ameyî destbendkerdene, raştê îşkenceyê fîzîkî û destdergîye ameyî. Goreyê raporî, qurbanîyan mîyan de di ciwanê 18 serrîyî yê bi nameyê Sîrwan Xweşnemek û Suheyl Firdewsî zî estê.
